Ministria e Punëve të Jashtme dhe Diasporës (MPJD) ka shpallur një tender me vlerë të parashikuar deri në 500 mijë euro për furnizim me bileta avioni për nevojat e institucionit gjatë një periudhe njëvjeçare.
Sipas dokumenteve të publikuara në procedurën e prokurimit, ministria planifikon të sigurojë rreth 1.400 deri në 1.500 bileta për destinacione të ndryshme ndërkombëtare. Vlera e parashikuar e kontratës është 500 mijë euro, ndërsa afati për dorëzimin e ofertave nga operatorët ekonomikë është caktuar për 3 korrik 2026.
Në dokumentacionin e tenderit është përdorur një çmim orientues prej 355 eurosh për biletë, i cili shërben vetëm për vlerësimin e ofertave. MPJD thekson se çmimet përfundimtare do të varen nga rezervimet konkrete dhe kushtet e tregut të aviacionit në momentin e blerjes.
Sipas kushteve të përcaktuara, kompania që do të fitojë kontratën duhet të jetë në dispozicion të ministrisë 24 orë në ditë dhe gjatë gjithë vitit. Operatorit ekonomik i kërkohet që t’u përgjigjet kërkesave për rezervime brenda 60 minutave nga momenti i paraqitjes së tyre dhe të caktojë persona të dedikuar për komunikim me kabinetin e ministrisë, edhe jashtë orarit zyrtar të punës.
Tenderi parasheh që pjesa më e madhe e udhëtimeve të realizohet në klasën ekonomike, me qëllim të menaxhimit më efikas të shpenzimeve. Megjithatë, dokumentet nuk përjashtojnë mundësinë e blerjes së biletave në klasën biznes, në rastet kur paraqiten kërkesa të veçanta.
Po ashtu, operatori ekonomik do të jetë i obliguar t’i ofrojë MPJD-së disa alternativa për secilin udhëtim, duke përfshirë edhe opsionet e kompanive me kosto të ulët kur ato janë të disponueshme.
Ministria ka paraparë gjithashtu mekanizma mbikëqyrës për zbatimin e kontratës. Ajo rezervon të drejtën të verifikojë çmimet e biletave, faturat dhe rezervimet, si dhe të kryejë kontrolle për të siguruar që shërbimet e ofruara përputhen me çmimet reale të tregut.
Kontrata pritet të ketë vlefshmëri njëvjeçare dhe të hyjë në fuqi pas përfundimit të marrëveshjes aktuale për shërbimet e transportit ajror. /Lajmi.net/
- Advertisement -
Ministria e Punëve të Jashtme dhe Diasporës (MPJD) ka shpallur një tender me vlerë të parashikuar deri në 500 mijë euro për furnizim me bileta avioni për nevojat e institucionit gjatë një periudhe njëvjeçare.
Sipas dokumenteve të publikuara në procedurën e prokurimit, ministria planifikon të sigurojë rreth 1.400 deri në 1.500 bileta për destinacione të ndryshme ndërkombëtare. Vlera e parashikuar e kontratës është 500 mijë euro, ndërsa afati për dorëzimin e ofertave nga operatorët ekonomikë është caktuar për 3 korrik 2026.
Në dokumentacionin e tenderit është përdorur një çmim orientues prej 355 eurosh për biletë, i cili shërben vetëm për vlerësimin e ofertave. MPJD thekson se çmimet përfundimtare do të varen nga rezervimet konkrete dhe kushtet e tregut të aviacionit në momentin e blerjes.
Sipas kushteve të përcaktuara, kompania që do të fitojë kontratën duhet të jetë në dispozicion të ministrisë 24 orë në ditë dhe gjatë gjithë vitit. Operatorit ekonomik i kërkohet që t’u përgjigjet kërkesave për rezervime brenda 60 minutave nga momenti i paraqitjes së tyre dhe të caktojë persona të dedikuar për komunikim me kabinetin e ministrisë, edhe jashtë orarit zyrtar të punës.
Tenderi parasheh që pjesa më e madhe e udhëtimeve të realizohet në klasën ekonomike, me qëllim të menaxhimit më efikas të shpenzimeve. Megjithatë, dokumentet nuk përjashtojnë mundësinë e blerjes së biletave në klasën biznes, në rastet kur paraqiten kërkesa të veçanta.
Po ashtu, operatori ekonomik do të jetë i obliguar t’i ofrojë MPJD-së disa alternativa për secilin udhëtim, duke përfshirë edhe opsionet e kompanive me kosto të ulët kur ato janë të disponueshme.
Ministria ka paraparë gjithashtu mekanizma mbikëqyrës për zbatimin e kontratës. Ajo rezervon të drejtën të verifikojë çmimet e biletave, faturat dhe rezervimet, si dhe të kryejë kontrolle për të siguruar që shërbimet e ofruara përputhen me çmimet reale të tregut.
Kontrata pritet të ketë vlefshmëri njëvjeçare dhe të hyjë në fuqi pas përfundimit të marrëveshjes aktuale për shërbimet e transportit ajror. /Lajmi.net/
