Mulla Osman Musliu nga Likoci, i cili është Imam në xhaminë e Drenasit, ka emocionuar besimtarët gjatë hytbes së së xhumasë në Drenas, ku nuk ka arritur t’i mbajë lotët teksa ka folur para xhematit,përcjellë Drenica Press.
Sipas të pranishmëve, hoxha Musliu, i cili ka bërë të ditur se së shpejti do të pensionohet nga detyra e imamit, ka folur me emocione të forta edhe për rrugëtimin e tij të ri në jetën publike.
Ai ka deklaruar se do të kandidojë për deputet nga Lëvizja Vetëvendosje, duke theksuar se këtë hap e ka ndërmarrë “me qëllim të unifikimit” dhe për të vazhduar, siç tha ai, “luftën kundër të keqes”.
Gjatë fjalimit të tij, Musliu është përlotur dhe u ka kërkuar falje dhe mirëkuptim xhematit, duke kërkuar që t’ia bëjnë hallall për çdo gjë gjatë shërbimit të tij si imam./DRENICA PRESS.ORG/
- Advertisement -
