Dy vëllezër në Istog u sulmuan dje me mjete të forta dhe thikë, nga tre persona.
IndeksOnline raportoi ekskluzivisht se dy vëllezërit Maraj, Donati dhe Artori, u sulmuan papritmas derisa po qëndronin me veturën e tyre në afërsi të një autolarjeje, teksa të dyshuar janë Dan, Dukagjin dhe Vigan Qelaj.
Vëllezërit Maraj, të dy karateistë, i vënë në përdorim aftësitë e tyre, duke mos lejuar të eskalojë edhe më keq ky sherr.
Rasti dyshohet të ketë ndodhur për shkak të një konflikti të mëhershëm që palët kishin ndërmjet vete.
Sipas policisë, viktimat kanë pranuar tretman mjekësor, teksa të dyshuarit gjenden në arrati.
“Dy viktima meshkuj kosovarë – vëllezër, kanë aportuar se derisa kanë qenë në veturën e tyre në afërsi të një autolarje janë sulmuar fizikisht me mjete të forta dhe thikë nga tre të dyshuar meshkuj kosovarë, të cilët janë larguar nga vendi i ngjarjes dhe gjende në arrati. Viktimat kanë pësuar lëndime trupore dhe kanë pranuar tretman mjekësor. Rasti është duke u hetuar’’, thuhet në raportin e policisë.
Më poshtë pamje ekskluzive nga momenti i përplasjes fizike:
