Sekretarja e PDK-së, Vlora Çitaku ka reaguar pas zhvillimeve të fundit në vend dhe shpërbërjes së Kuvendit.
Çitaku u fokusua tek konferenca e Albin Kurtit me Feride Rushitin tek Presidenca e Kosovës.
Ajo deklaroi se kjo konferencë ishte shfaqje e turpshme.
Reagimi i plotë:
Reagimi publik dhe presioni qytetar e detyruan Albin Kurti të tërhiqet nga përpjekja e tij për ta zgjedhur Presidentin në stil “karate” dhe për ta permbysur rendin kushtetues.
Po, edhe mbrëmë bëri aq sa mundi. Doli dhe abuzoi me zyrën e Presidentit.
Albin, nga ajo sallë qytetarëve u drejtohet Presidentja apo Presidenti i zgjedhur.
Jo Kryeministri dhe as kandidatja e shumicës.
Shfaqja e mbrëmshme e ilustroi qartë, me zë dhe figurë, se ju në fakt e shihni veten si autoritetin e vetëm në këtë vend: edhe President, edhe Kryeministër, edhe Ministër, edhe Kryeprokuror, edhe gjithçka tjetër.
Një shfaqje e turpshme./Lajmi.net/
