Nafta globale luhatet pranë 100 dollarëve për fuçi pas sulmeve ndaj anijeve pranë Ngushticës së Hormuzit. Çmimet e naftës u rritën pasi u raportuan sulme ndaj anijeve me kontejnerë në këtë zonë strategjike, vetëm disa orë pas zgjatjes së armëpushimit SHBA–Iran nga presidenti Donald Trump, raporton CNN.
Brent arriti rreth 99.2 dollarë për fuçi, pasi më herët preku përkohësisht 100 dollarë, ndërsa WTI u rrit në 90.3 dollarë. Autoritetet britanike thanë se dy anije u goditën në ujërat pranë Hormuzit dhe se ekuipazhet janë të sigurta, ndërsa një nga sulmet i atribuohet Gardës Revolucionare të Iranit.
Analistët thonë se tregjet po reagojnë ndaj tensioneve të reja, pavarësisht përpjekjeve për armëpushim, ndërsa çmimet e naftës mund të stabilizohen më vonë rreth 75–80 dollarë për fuçi.
