Ikona e reality show-ve Kim Kardashian dhe kampioni i Formula 1 Lewis Hamilton po e çojnë marrëdhënien e tyre në një tjetër nivel, pasi janë parë së fundmi në një darkë romantike në restorantin luksoz Nobu Malibu.
Sipas raportimeve të mediave ndërkombëtare, dyshja kaloi rreth dy orë në një atmosferë intime, duke mos u ndarë nga njëri-tjetri gjatë gjithë mbrëmjes. Ata u panë duke hyrë bashkë në restorant dhe duke dalë të buzëqeshur, çka ka shtuar edhe më shumë spekulimet se lidhja e tyre tashmë është serioze, shkruan DailyMail, transmeton IndeksOnline.
Burime pranë çiftit tregojnë se marrëdhënia ka nisur të marrë formë prej muajsh, ndërsa paraqitjet e përbashkëta nga Coachella 2026 deri te udhëtime të ndryshme kanë bërë që romanca të bëhet gjithnjë e më publike.
Gjatë daljes në Malibu, të dy u shfaqën me stil të koordinuar në nuanca neutrale, një detaj që nuk kaloi pa u komentuar nga mediat e modës, të cilat e konsideruan si një “debutim elegant” të çiftit në publik.
Edhe pse asnjëri prej tyre nuk e ka konfirmuar zyrtarisht lidhjen, paraqitjet e shpeshta dhe afrimiteti i dukshëm kanë bërë që fansat dhe mediat ta konsiderojnë këtë si një romancë tashmë të konsoliduar.
Darka në Nobu duket se nuk ishte thjesht një dalje e zakonshme, por një sinjal i qartë se Kim Kardashian dhe Lewis Hamilton janë gati ta bëjnë publike lidhjen e tyre – dhe vëmendja globale është tashmë e garantuar./IndeksOnline/
