Prokurorët kanë kërkuar dënime deri në dy vite burg për 18 tifozë nga Senegali, të cilët tentuan të futeshin në fushë gjatë finales së Kupës së Kombeve të Afrikës (AFCON).
Ngjarja ka ndodhur pas ndeshjes finale mes Marokos dhe Senegalit, duke shkaktuar ndërprerje dhe shqetësim për sigurinë në stadium, shkruan IndeksOnline.
Sipas asaj që raporton RMC Sport, autoritetet i akuzojnë tifozët për cenim të rendit dhe rregullave të sigurisë në një event të madh sportiv.
Nga ana tjetër, mbrojtja e të akuzuarve ka kundërshtuar pretendimet e prokurorisë, duke theksuar se tifozët nuk kishin qëllim të nxisnin dhunë.
Sipas avokatëve, ata u detyruan të hynin në fushë për t’i shpëtuar një shtypjeje të turmës në tribuna, që mund të kishte pasoja të rënda për sigurinë e tyre.
Avokatët kanë kërkuar gjithashtu që gjykata të shqyrtojë me kujdes pamjet filmike nga stadiumi, të cilat sipas tyre mund të vërtetojnë versionin e klientëve të tyre.
Vendimi i gjykatës pritet të merret pas analizimit të plotë të provave dhe dëshmive./IndeksOnline/
