Qindra stacione karburanti në Australi po raportojnë se po u mbaron benzina ose nafta, ndërsa kërkesa nga shoferët rritet.
Frika nga mungesat dhe rritja e shpejtë e çmimeve po e nxisin panik e presion, pavarësisht se qeveria u bën thirrje qytetarëve të mos alarmohen.
Disa shitës me pakicë të benzinës kanë vendosur kufizime se sa mund të shpenzohet, ose u kanë ndaluar klientëve të mbushin bidonët me benzinë.
Në Uellsin e Ri Jugor, shtetin më të populluar të Australisë, një në shtatë shitës me pakicë thonë se u ka mbaruar të paktën një lloj karburanti.
Qeveria këmbëngul se furnizimet nuk kanë rënë dhe mungesat janë në fakt rezultat i blerjeve në panik, me kërkesën që është rritur me një të katërtën gjatë dy javëve të fundit.
Kryeministri Anthony Albanese nga ana tjetër ka paralajmëruar se sa më gjatë të vazhdojë lufta, aq më i madh do të jetë ndikimi.
