Nënkryetarja e Partisë Demokratike të Kosovës, Vlora Çitaku tha se e respektojnë vendimin e Gjykatës Kushtetuese.
Çitaku në një konferencë për media tha se PDK brenda disa ditëve do të thërras mbledhjen e Këshillit Drejtues dhe se do të marrin vendimet e ardhshme politike.
“Ne patëm mbledhjen e përbashkët të kryesisë dhe grupit parlamentar të Partisë Demokratike të Kosovës. Vendimi ynë sot është që do të thërrasim mbledhjen e Këshillit Drejtues brenda pak ditësh, ku do të diskutojmë për aktualitetin e rëndë politik në Kosovë dhe ku do të marrim vendimet e ardhshme politike që na presin. Siç e dini jemi deklaruar edhe dje PDK respekton vendimin e Gjykatës Kushtetuese dhe po besoj për secilin që e ka njohur dhe e ka ndjekur aktivitetin politik të PDK-së, respektimi i vendimeve të gjykatës për ne asnjëherë nuk është çështje diskutimi”, tha ajo.
