Presidenti ukrainas, Volodymyr Zelensky thotë se Ukraina do të përballet me një deficit të raketave që po përdor kundër Rusisë për shkak të luftës në Lindjen e Mesme.
Në një intervistë me BBC-në, presidenti ukrainas tha se Vladimir Putin dëshironte një “luftë të gjatë” midis SHBA-së, Izraelit dhe Iranit, sepse kjo do ta dobësonte Kievin pasi burimet amerikane që do të drejtoheshin diku tjetër.
Zelensky pohoi gjithashtu se Presidenti i SHBA-së Donald Trump nuk ishte në “asnjë anë” në luftën midis Rusisë dhe Ukrainës dhe nuk donte ta “irritonte” Putinin. Zelensky u shpreh se kishte një “ndjesi shumë të keqe” në lidhje me ndikimin e konfliktit të Lindjes së Mesme në luftën në Ukrainë, duke theksuar se negociatat për paqen po shtyhen vazhdimisht.
Ai tha se situata po i shkon për shtat Putinit me rritjen e çmimeve të energjisë, gjë që është problem për Ukrainën dhe nënkupton se mund të ketë deficit raketash.
“Për Putinin, një luftë e gjatë në Iran është një plus. Përveç çmimeve të energjisë, kjo do të thotë edhe pakësim i rezervave amerikane dhe pakësim i prodhuesve të mbrojtjes ajrore. Pra, ne [Ukraina] kemi një pakësim të burimeve.”, u shpreh Zelensky.
“Amerika prodhon 60-65 raketa në muaj. Imagjinoni, 65 raketa në muaj janë rreth 700-800 raketa në vit, të prodhuara çdo vit. Dhe në ditën e parë të luftës në Lindjen e Mesme, u përdorën 803 raketa.”, shtoi ai.
