Kuvendi Komunal i Prishtinës do të zhvillojë nesër, të premten, një seancë të jashtëzakonshme, ku në rend të ditës do të jetë miratimi i buxhetit për vitin 2026.
Seanca është thirrur nga kryesuesi Fehmi Kupia dhe do të nisë në orën 10:00, transmeton lajmi.net.
Ky thirrje vjen në një kohë kur kryetari i Prishtinës, Përparim Rama, ende nuk e ka prezantuar kabinetin e tij qeverisës për mandatin e dytë, pavarësisht se kanë kaluar më shumë se dy muaj nga përfundimi i zgjedhjeve lokale.
Miratimi i buxhetit pritet të jetë një hap i rëndësishëm për funksionimin e komunës dhe planifikimin e projekteve për vitin e ardhshëm./lajmi.net/
