Beatrix Ramosaj ka ndarë me ndjekësit e saj një nga momentet më emocionale të jetës përmes një Instastory.
Këngëtarja tregoi se mamaja e saj ka përfunduar zyrtarisht seancën e fundit të kimioterapisë, një hap shumë i rëndësishëm në betejën e saj shëndetësore, shkruan Indeksonline.
Ajo rrëfeu se infermieret e surprizuan mamanë e saj me zile, brohoritje dhe shumë dashuri, duke kthyer atë çast në një kujtim që, siç shënoi ajo, do ta mbajë në zemër përgjithmonë. Emocionet ishin aq të forta, sa të gjithë shpërthyen në lot.
“E dimë që udhëtimi nuk ka mbaruar ende, por ky ishte një hap i madh, i vështirë dhe i shenjtë, dhe po e lejojmë veten ta festojmë,” shkroi ajo.
Trixa shprehu mirënjohje të thellë për stafin mjekësor, infermieret, mjekët, si edhe për çdo lutje, mesazh dhe mbështetje që familja ka marrë gjatë kësaj periudhe të vështirë.
“Sot më dukej si dritë,” përfundon ajo mesazhin e saj prekës./Indeksonline/
