Gjatë tri ditëve të para të fillimit të vitit 2026, në rajonin e Mitrovicës së Jugut janë konfiskuar tri armë zjarri dhe një sasi e konsiderueshme municionesh.
Sipas njoftimit, konfiskimet janë realizuar në lokacione të ndryshme në Mitrovicë e Jugut dhe Skenderaj.
Armët dhe municionet e konfiskuara përfshijnë: dy pushkë gjuetie, një pistoletë dhe 159 fishekë të kalibrave të ndryshëm.
Lidhur me këto raste janë iniciuar procedura penale për veprat: armëmbajtje pa leje, përdorim i armës dhe kanosje. Me vendim të prokurorit, ndaj dy të dyshuarve është caktuar masa e ndalimit policor.
Autoritetet policore theksojnë se aksionet për parandalimin e posedimit të paligjshëm të armëve do të vazhdojnë edhe në ditët në vijim./IndeksOnline/
- Advertisement -
