Me zemër të hapur, forcë dhe besim të palëkundur, kandidatja për deputete nga radhët e PDK-së, Ariana Musliu Shoshi (nr. 18), po ecën fuqishëm përpara në rrugën drejt fitores. Takimet e mbajtura në Klinën e Epërme, Polac dhe Qirez u shndërruan në dëshmi të qarta të mbështetjes së madhe qytetare për PDK-në dhe vizionin e saj fitues, shkruan Drenica Press.
Qytetarët e këtyre lokaliteteve folën me zë të fuqishëm, duke konfirmuar besimin në programin e Partisë Demokratike të Kosovës dhe në përfaqësimin dinjitoz që ofron Ariana Musliu Shoshi. Atmosfera e ngrohtë, energjia pozitive dhe mesazhet e qarta për ndryshim dëshmojnë se ky është momenti i bashkimit dhe vendosmërisë.
“Të bashkuar dhe të vendosur, po ecim drejt Kosovës që e meritojmë”, ishte mesazhi që përçoi kandidatja, duke falënderuar qytetarët për përkrahjen e sinqertë dhe besimin e dhënë.
#PDK130
#BedriHamza1
