Gati tre muaj nga urdhri i kryeministrit Edi Rama, që pasi vizitoi një vizitë në Bashkinë e Durrësit, kërkoi që të gjithë krerët e njësive administrative të Bashkisë Durrës të shkarkohen dhe të zëvendësohen me të rinj, ata kanë dhënë dorëheqje.Kryebashkiakja e Durrësit, përgjatë ditës së sotme ka pranuar dorëheqjen e pesë kryetarëve të mëparshëm. Bëhet fjalë për njësitë administrative të Manzës, Ishmit, Katundit të Ri, Rashbullit dhe Sukthit.
Menjëherë janë zëvendësuar katër administratorë. Përkatësisht, për Manzën, ikën Muharrem Sula dhe vjen Rejdi Shehu. Për Ishmin, ikën Kadri Gjyli dhe vjen Emirjan Bafti.
Në Katundin e Ri, largohet Eftjon Preni dhe zëvendësohet me Juljan Markun. Për Rashbullin, ikën Albert Bukaçi dhe zëvendësohet me Fiqiri Demën. Ndërsa, në Sukth ikën Edir Cërri, por që ende nuk është bërë zëvendësimi me kryetarin e njësisë administrative.
