Procesi për shkarkimin e kryetarit të Bashkisë së Tiranës, Erion Veliaj, nuk ka kaluar pa kundërshti brenda vetë radhëve të Partisë Socialiste. Gjatë seancës së zhvilluar në Këshillin Bashkiak, katër këshilltarë të PS-së nuk mbështetën vendimin për largimin e Veliajt.
Këshilltarët Alfred Muharremi dhe Aldo Merkoci zgjodhën të mos e votojnë shkarkimin, ndërsa Joleza Koka dhe Gaz Paja nuk ishin të pranishëm në mbledhje. Edhe këshilltari i Bindjes Demokratike, Fabian Topollaj, votoi kundër këtij vendimi.
