Në Rezallë u mbajt sonte një tubim madhështor me qytetarët, i cili shënoi fillimin e fushatës së Partisë Demokratike të Kosovës për zgjedhjet e 12 tetorit. Nën udhëheqjen e kandidatit për kryetar të Skenderajt, Sami Lushtaku, u prezantua programi elektoral që synon zhvillimin e komunës, përmirësimin e jetës së qytetarëve e Skenderajt
Rezalla, vend i historisë, sakrificës dhe qëndresës, edhe kësaj here dëshmoi mbështetjen e fuqishme për PDK-në, duke dhënë energji dhe motiv shtesë për të vazhduar fitoren në çdo lagje e fshat të Skenderajt. Sami Lushtaku tha se kjo përkrahje e jashtëzakonshme është garanci për fitore të thellë më 12 tetor dhe për realizimin e programit që garanton zhvillim dhe dinjitet për të gjithë qytetarët.
