Partia Demokratike e Kosovës (PDK) ka reaguar pas shpalljes nga Kryetari i Kuvendit të Republikës së Kosovës se konstituimi i Kuvendit ka përfunduar, duke theksuar se Neni 67 i Kushtetutës së Kosovës ende nuk është zbatuar plotësisht.
Sipas PDK-së, Kuvendi nuk është i konstituar pasi nuk është zgjedhur Kryesia e tij në përbërjen e plotë kushtetuese.
Në një deklaratë për media, PDK ka vlerësuar se ftesa për takim të Kryesisë së Kuvendit që nuk është konstituuar është e pakuptimtë dhe ka shërbyer vetëm për agjenda partiake, pa marrë parasysh interesat e shtetit. PDK theksoi se do të qëndrojë jashtë takimeve të tilla, pasi ato janë të padrejta dhe nuk kontribuojnë në përmbushjen e obligimeve kushtetuese, raporton lajmi.net
Për më tepër, PDK ka kritikuar zvarritjet e qëllimshme në procesin e formimit të institucioneve shtetërore, që sipas partisë në pushtet janë shkaktuar nga “partia e parë” dhe janë jashtëzakonisht të rrezikshme për Republikën e Kosovës.
“Në këto rrethana, PDK e konsideron të pakuptimtë ftesën për takim të Kryesisë së Kuvendit që nuk është konstituuar dhe nuk merr pjesë në takime të tilla, të cilat i shërbejnë vetëm agjendave partiake e jo interesit të shtetit,” thuhet në reagimin e PDK-së.
PDK ka paralajmëruar se kjo qasje e Vetëvendosjes po shtyn Kosovën drejt një krize të re institucionale, duke i shkaktuar pasoja të rënda shtetit dhe qytetarëve të Kosovës.
Postimi i plotë:
