Vazhdojnë kolonat në pikat kufitare, mbi dy orë pritje për të dalë nga Kosova

Fluksi i qytetarëve në pikat kufitare ka sjellë pritje të gjata, veçanërisht për veturat në dalje të Kosovës.

Sipas të dhënave të përditësuara nga Qendra Kombëtare për Menaxhim Kufitar, në pikën kufitare të Merdarës pritjet kanë arritur mbi dy orë.

Qytetarët që po dalin nga Kosova po presin nga 130 deri në 180 minuta, ndërsa kolona e automjeteve ka arritur në rreth 900 metra.

Edhe në pikat kufitare të Dheu i Bardhë dhe Jarinjë, pritjet janë të theksuara, ku koha e pritjes për të dalë nga vendi arrin deri në 30 minuta.