Skenderaj, 10 korrik 2025 – Dega e Partisë Demokratike të Kosovës (PDK) në Skenderaj ka shpallur mbështetjen e saj të fuqishme për kandidaturën e Sami Lushtakut për kryetar të ardhshëm të Komunës së Skenderajt, përcjellë Drenica Press.
Gjatë një takimi të mbajtur sot nga Kryesia e Degës së PDK-së, sekretari i degës dhe njëherësh bashkëqeverisës në mandatin aktual, deklaroi përkrahjen e plotë për Lushtakun, i cili aktualisht mban edhe postin e nënkryetarit të komunës.
Kryetari i tanishëm, Fadil Nura tha se “Punët e mira që nisëm gjatë këtij mandati, një numër i tyre të përfunduara me sukses dhe të tjerat që janë në proces, do të vazhdojnë edhe në mandatin e ri me kryetarin e ardhshëm, gjeneral Sami Lushtaku,” u shpreh sekretari i degës.
Ai theksoi se Partia Demokratike e Kosovës ka dëshmuar qëndrueshmëri ndër vite dhe do të vazhdojë të jetë forcë politike udhëheqëse në komunë: “PDK nuk u thye as atëherë, nuk thyhet as sot, dhe nuk do të thyhet as nesër!”
Kandidimi i Lushtakut vjen si një vazhdimësi e bashkëqeverisjes aktuale, me synim fuqizimin e projekteve dhe zhvillimit lokal në Skenderaj.
“Mirë se u ktheve, kryetar Lushtaku! Të priftë e mbara!”, përfundoi deklaratën e tij sekretari i Degës së PDK-së.
