Calvin Harris po transformon fshatin e qetë të Cotswolds në “Calvin Country” me një seri pronash me vlerë rreth 17.1 milionë euro, ku planifikon të ndërtojë një shtëpi të re me gruan e tij, prezantuesen televizive Vick Hope.
Krijuesi i hiteve, 41 vjeç, me një pasuri prej rreth 285 milionë eurosh, ka blerë disa shtëpi në Gloucestershire, duke përfshirë një rezidencë luksoze me pesë dhoma gjumi dhe dy prona fqinje, me qëllim zgjerimin e pronës së tij në zonë.
Shtëpia kryesore, e blerë fillimisht në vitin 2019 për rreth 4.1 milionë euro, u rrafshua dhe u rindërtua nga e para, shkruan DailyMail.
Përveç kësaj, Calvin bleu një pronë tjetër me gjashtë dhoma gjumi dhe një vresht prej tre akrash për po aq, rreth 4.1 milionë euro, pavarësisht kritikave për shkatërrimin e vreshtit.
Rezidenca prej guri Cotswold përfshin pishinë, fushë tenisi dhe dhoma të mëdha në katin përdhes, si kuzhina, dhoma ngrënieje dhe sallon televizori.
Calvin Harris tashmë është pronar i një rezidence në Los Angeles me vlerë 13.7 milionë euro, një shtëpie në Londër prej 8.55 milionë eurosh dhe një ferme prej 138 akrash në Ibiza.
Ai dhe Vick, e cila është shtatzënë, planifikojnë të zhvendosen në rezidencën e tyre të re këtë verë, pasi Calvin të përfundojë sezonin e tij të performancave në Ibiza.
Çifti u martua në shtator 2023 dhe kanë mbajtur lidhjen kryesisht private, ndërsa Vick është duke u përgatitur për ardhjen në jetë të foshnjës së tyre. /Telegrafi/
