Sot, në Kompleksin e Dëshmorëve në Gllanasellë, u mbajt një ceremoni përkujtimore për nder të dëshmorëve Kadri, Avdi dhe Xhevdet Karaqica, në 26-vjetorin e rënies së tyre heroike.
Në këtë përvjetor, përfaqësues të institucioneve lokale, familjarë, bashkëluftëtarë dhe qytetarë u mblodhën për të nderuar kujtimin dhe sakrificën e familjes Karaqica, e cila dha gjithçka për lirinë e Kosovës.
Driton Ajazi, theksoi rëndësinë e ruajtjes së kujtesës për dëshmorët dhe vazhdimin e rrugës që ata trasuan me gjak.
“Sakrifica e familjes Karaqica është një amanet i shenjtë për të gjithë ne. Kujtimi për ta nuk do të shuhet kurrë, ndërsa angazhimi ynë do të jetë i përhershëm për një Kosovë të lirë, të drejtë dhe të zhvilluar,” tha Ajazi.
Në fund të fjalës së tij, Ajazi u shpreh: “I përjetshëm qoftë kujtimi për dëshmorët Kadri, Avdi dhe Xhevdet Karaqica. Lavdi të gjithë dëshmorëve të kombit!”
