Korporata amerikane e teknologjisë “MetaË ka rënë dakord të paguajë 25 milionë dollarë në një zgjidhje gjyqësore për të zgjidhur një padi të ngritur nga Donald Trumpi, lidhur me pezullimin e llogarive të tij në mediat sociale Meta pas sulmit të 6 janarit 2021 në Kapitol, sipas një letre nga avokatët e kompanisë.
Meta konfirmoi se do të dhurojë 22 milionë dollarë për bibliotekën presidenciale të Trumpit dhe do të paguajë 3 milionë dollarë tarifa ligjore.
Në korrik 2021, Trump paditi “Metën” dhe CEO Mark Zuckerberg për censurimin e llogarive të tij në mediat sociale pas sulmit të 6 janarit, duke e akuzuar kompaninë për bashkëpunim me ligjvënësit demokratë. Marrëveshja vjen ndërsa Zuckerberg përpiqet të qetësojë marrëdhënien e tij me Trumpin.
Ekzekutivi i “Meta”-s mori pjesë në inaugurimin e Trumpit dhe vizitoi disa herë rezidencën e presidentit në Mar-a-Lago. Për më tepër, “Meta” dhuroi 1 milion dollarë për fushatën e Trumpit, përfundoi programet e saj DEI dhe ndryshoi sistemin e tij të kontrollit të fakteve të mediave sociale që ishte vënë nën kritika nga Trumpi.
