Është një gol që i bashkon dhe e duartrokasin të gjithë, edhe kundërshtarët edhe tifozët rivalë. Christian Eriksen u rikthye pas 9 muajsh ferri me kombëtaren e Danimarkës pas arrestit kardiak në Euro 2020.
Tani me një përforcim në zemër, me defribilatorin e montuar, ai mund të luajë sërish dhe e bëri sërish realitet sot në miqësoren me Holandën.
Madje Eriksen sapo ka kaluar edhe Covidin 2 ditë më parë dhe donte të ishte patjetër në fushë, teksa e bëri realitet duke gjetur dhe golin me prekjen e parë.
Mesfushori u fut në fushë 46’ dhe në 48’ me të djathtën shënoi golin e rilindjes.
Miqësorja Holandë-Danimarkë është spektakolare dhe rezultati është fiksuar 4-2 për vendasit./Ora News/.
- Advertisement -
