Drejtoresha e Drejtorisë për Zhvillim Ekonomik, Ndërmarrësi, Inovacion dhe Turizëm, Besarta Meha- Ademi, së bashku me shefin e sektorit, Rifat Bajraktari, kanë pritur përfaqësuesin nga organizata “Help-Hilfe zur Selbsthilfe” Valon Hysenin, në një takim koordinues dhe informues, për të diskutuar zhvillimin e projektit “Fuqizimi Socio-ekonomik në Ballkanin Perëndimor”.
Në kuadër të këtij projekti, siç është bërë e ditur, do të ndahen 20 grante në formën e pajisjeve për mikro-biznese të komunës së Skenderajt.
Komuna e Skenderajt në planin e saj të punës për këtë vit, ka paraparë mbështetje për bizneset të reja dhe ekzistuese, me qëllim të zhvillimit ekonomik të vendit, duke krijuar vende të reja pune.
