Një marinar ukrainas fundosi superjahtin luksoz të shefit të tij rus me vlerë 7.7 milionë dollarë, në Spanjë, duke e akuzuar atë se po i shiste armë Vladimir Putinit.
Jahti, i quajtur Zonja Anastasia, është në pronësi të biznesmenit Alexander Mijeev.
Mijeev është pronar i Rostec, një firmë që furnizon me armë shtetin rus.
Detari ukrainas, i identifikuar si Taras Ostapchuk, u përpoq të fundoste varkën prej e shefit të tij në Majorka duke e përmbytur dhomën e motorit të saj, sipas Majorca Daily Bulletin, përcjell Gazeta Online Reporteri.net.
Kryeinxhinieri – i cili kishte punuar në anije për më shumë se një dekadë – hapi një valvul në dhomën e motorit dhe një të dytën ku jetonte ekuipazhi përpara se t’u thoshte tre punëtorëve, gjithashtu ukrainas, që të hidheshin nga anija.
Ai mbylli edhe energjinë elektrike dhe mbylli valvulat e karburantit.
Jahtit i ka mbetur njëri motor i shkatërruar.
55-vjeçari ukrainas të dielën u nxor para gjykatës për veprimin e tij, por refuzoi të pendohej. “Nuk pendohem për asgjë që kam bërë dhe do ta bëja përsëri. ”
I arrestuar për fundosjen e pjesshme të jahtit luksoz në Port Adriano, ai pranoi plotësisht faktet e çështjes dhe mori përgjegjësinë totale për atë që kishte ndodhur. Kur Guardia Civil mbërriti në Port Adriano të shtunën, ai u dorëzua dhe u tha oficerëve: “Shefi im është një kriminel që shet armë që vrasin popullin ukrainas”. Alexander Mijeev është CEO i Rosoboronexport, një kompani ruse e armëve ushtarake.
Ai ka punuar si mekanik në Zonjën Anastasia për rreth dhjetë vjet. Ai veproi pasi pa një raport lajmesh në televizion.
Marinari ukrainas i tha gjykatësit: “Unë pashë lajmet për luftën. Kishte një video të një sulmi me helikopter në një ndërtesë në Kiev. Armatimi i përdorur prodhohej nga kompania e pronarit të jahtit. Ata po sulmonin njerëz të pafajshëm”. /Reporteri.net
