Lidhja Demokratike e Kosovës dhe Partia Demokratike e Kosovës kanë arritur marrëveshje për bashkëqeverisje në Komunën e Prishtinës.
Demokracia.com mëson se marrëveshja mes këtyre dy partive është arritur sot.
Sipas marrëveshjes së arritur mes dy partive, PDK-ja do të marrë katër drejtori në këtë komunë.
Burime të Demokracia.com bëjnë me dije se PDK-ja do të udhëheq me Drejtorinë e Arsimit, të Kulturës, Inspekcionit dhe Drejtorin e Planifikimit.
Ndërkohë, kryetari i Komunës së Prishtinës, Përparim Rama, e ka thirrur seancën për zgjedhjen e kryesuesit të Kuvendit Komunal për sot në ora 10:00.
Kujtojmë se Lëvizja Vetëvendosje ka arritur të marrë 17 asamblistë në Prishtinë, LDK-ja 14, PDK-ja 9, AAK-ja 6, AKR-ja 3, LB-ja dhe Nisma nga një asamblistë.
