Kryetari i PDK-së, Memli Krasniqi, ka shkuar në Skenderaj për t’ia uruar marrjen e postit kryetarit të ri të kësaj komune, Fadil Nura.
“Në Skenderaj, aty ku PDK nuk thyhet asnjëherë”, ka shkruar Krasniqi në urimin e tij në Facebook, njofton Klan Kosova.
“Rikthimi i Partisë Demokratike të Kosovës në udhëheqjen komunale në Skenderaj është garancë për fillimin e një modeli qeverisës zhvillimor e transformues dhe me perspektivë për të gjithë. Kryetarin Nura dhe ekipin e tij, të cilët veçse kanë filluar të punojnë në përmirësimin e shërbimeve publike dhe po planifikojnë zbatimin e projekteve të rëndësishme, i përgëzova për vendosmërinë dhe angazhimin në jetësimin e programit të tyre”.
Krasniqi tha se është mirënjohës ndaj qytetarëve të Skenderajt që “treguan se PDK është në zemrën e Skenderajt, përherë unike dhe e pandashme”.
