Në Wuhan u raportua rasti i parë me Covid-19 në nëntor të 2019-ës. Në mars, Organizata Botërore e Shëndetësisë publikoi një raport me 120 faqe duke theksuar 4 teori për origjinën e tij.
Një skenar shumë të mundshëm: virusi u përhap te njerëzit përmes kafshëve si lakuriqët e natës.
Një tjetër me shumë pak gjasa ishte që virusi të ketë dalë nga laboratori.
Por tani, ka dalë një informacion i rilidhur me kërkuesit në një nga laboratorët e Kinës, Instituti i Virologjisë në Wuhan.
Një raport i inteligjencës amerikane zbuloi se 3 shkencëtarë të laboratorit u sëmurën në nëntor të 2019-ës dhe ishin shtruar në spital.
Departamenti i Shtetit njoftoi në janar se në vjeshtën e 2019-ës disa shkencëtarë patën simptoma të ngjashme me Covid-19.
Drejtori i Laboratorit në Wuhan u përgjigj për mediat shtetërore duke e quajtur raportimin “një gënjeshtër të plotë” dhe se “ato pretendime ishin të pabaza”.
Informacioni i ri ndez debatin për nevojën e një hetimi më në thellësi për origjinën e Covid-19.
Kjo edhe nga mungesa e transparencës në procesin e OBSH.
“Mendoj se duhet të vazhdojmë të hetojmë se çfarë ndodhi në Kinë për të zbuluar ekzaktësisht të vërtetën”, tha Anthony Fauci, virolog në SHBA.
