Komuna e Skenderajt, sot ka organizuar ceremoni në nderim të rekorderes, Arbnora Fejza Idrizi, e cila me realizimin e mozaikut me të madh origami në botë, flamurin e Republikës së Kosovës, hyri në librin e rekordeve botërore Guiness.
Në këtë organizim i pari i komunës, Bekim Jashari, tha se Fejza-Idrizi, me realizimin e këtij mozaiku vendosi Kosovën si dhe Komunën e Skenderajt, për herë të tretë në librin Guiness.
“Sot organizuam ceremoni në nderim të rekorderes sonë, Arbnora Fejza Idrizi, e cila me realizimin e saj Mozaiku më i madh origami në botë- “Flamuri i Republikës së Kosovës” dhe me hyrjen e tij në librin Guiness, na bëri të ndihemi krenarë secilin prej nesh. Arbnora për herë të tretë, vendosi shtetin e Kosovës dhe komunën tonë në librin e rekordeve botërore Guiness” shkruan Jashari në Facebook.
