Humoristi i njohur kosovar, Rasim Thaçi i njohur për publikun si Cima, po përballet me coronavirusin.
Këtë e ka bërë të ditur vajza e tij, këngëtarja Adelina Thaçi, e cila përmes një postimi në rrjetin social Facebook ka kërkuar urgjentisht gjak nga persona që sapo kanë kaluar COVID-19, shkruan Reporteri.net.
“Kërkojmë urgjent persona që sapo kanë kaluar covidin, e që kanë grupin e gjakut A pozitiv apo A Negativ, sepse na duhet që përmes gjakut të tyre të ju marrim antitrupat. Kjo është për babin tim, na duhet përmbi 50 Antitrupa.”, ka shkruar ajo në Facebook.
Ajo nuk ka dhënë më shumë detaje lidhur me gjendjen shëndetësore të tij.
Postimi i saj i plotë:
- Advertisement -
