KQZ-ja ka publikuara rezultatet preliminare të zgjedhjeve të 14 shkurtit.
Në Skenderaj ashtu edhe siq pritej ka fituar PDK-ja me 15.587 apo 75.98% të votave.
Partia e dytë është VV-ja me 3.496 vota apo 18.86%. Kjo parti ka arritur rritjen më të madhe, ngase në zgjedhjet e parafundit në Skenderaj kishte marrë 1.598 apo 7.79% të votave.
Kandidat për deputet nga Dega e VV-së në Skenderaj ishte Hysni Mehani. Mehani në një postim në Facebook, ka thënë se ai nuk e di se a do të jetë deputet dhe as që do t[ia di, ngase është shumë I lumtur për dyfishimin e VV-së në Skënderaj dhe ndryshimin e madh në Kosovë.
Lexojeni të plotë postimin e Hysni Mehanit:
Skënderaj ❤
Kemi punuar shumë që Skënderaj të bëhet pjesë e ndryshimit të madh që pritej të ndodhte më 14 shkurt. Jemi një ditë pas, dhe, Skënderaj është atje ku e ka vendin; pjesë e ndryshimeve historike e progresive për vendin tonë. Më shumë se sa dyfishim, por ende kemi shumë punë për të bërë. Brenda qytetit, aty ku kontrolli i votës ishte më i vështirë për pushtetin, jemi shumëfishuar. Kjo dëshmon që kemi ende shumë punë për të bërë dhe nuk do të ndalemi asnjëherë dhe me asnjë çmim.
Komisionerët dhe vëzhguesit tanë janë pishtarët e demokracisë ❤
A do të jem unë deputet? – është pyetja që po më bëhet parreshtur. Nuk e di dhe as që dua t’ia di. Nuk ka pozitë a pozicion që më plotëson më shumë se sa përkrahje që kemi marrë këto ditë. Nuk ka funksion që të ngroh më shumë se sa mbështetja e njerëzve të urtë e të sinqertë.
