Vajza dyvjeçare e cila mbërriti pa shenja jete dje në Shtëpinë e Shëndetit në Skenderaj dyshohet se është rrëzuar nga ballkoni.
Burime të Gazetës Express thanë se vajza dyshohet se ka rënë nga një lartësi, pa rrethojë të ballkonit.
Me rrethanat e vdekjes së saj po merret policia dhe prokuroria, teksa rasti në polici është hapur si “vdekje e dyshimtë”.
Me urdhër të prokurorit, trupi i pajetë i viktimës është dërguar për obduksion në Mjekësinë Ligjore.
Versioni i policisë për vdekjen e dyvjeçares.
“VDEKJE E DYSHIMTË/Skenderaj 01.12.2020 – 13:18. Raportohet se një fëmijë i moshës 2 vjeçare i gjinisë femërore është sjellë pa shenja jete në shtëpinë e shëndetit në Skenderaj, vdekjen e viktimës e ka konstatuar mjeku kujdestar. Me urdhër të prokurorit trupi i pa jetë dërgohet për obduksion në Institutin e mjekësisë Ligjore. Rasti nën hetime”.
Mësohet se 2-vjeçarja do të varroset gjatë ditës së sotme.
