Instituti Hidrometeorologjik i Kosovës ka paralajmëruar se ditëve në vazhdim do të ketë mundësi për vërshime në Kosovë.
Përmes një njoftimi, IHMK ka bërë të ditur se nga nesër do të vazhdojë me intensitet më të shtuar shiu në disa vende të Kosovës. Ndërsa, mund të ketë edhe probleme në zonat urbane.
“Reshje lokale të shiut të cilat kanë filluar, gjatë orëve të pasdites së sotme (05/10/2020), të përcjellura me shkarkime rrufesh, pritet që të vazhdojnë me intensitet më të shtuar dhe nesër datë 06/10/2020, të cilat në disa zona të Kosovës mund të shkaktojnë vërshime të shpejta dhe probleme në zonat urbane. Pritet që intensiteti dhe sasia më e lartë e tyre të jetë në regjionin e Prizrenit”, thuhet në njoftimin e IHMK-së.
