Zëvendëskryeministri, Besnik Tahiri gjatë qëndrimit në Bruksel, ka pasur një agjendë mjaft të ngjeshur.
Ai është takuar me deputeten e Parlamentit Evropian, Viola von Cramon-Taubadel, që njëherit është edhe raportuese pë Kosovën, Ambasadori Norvegjez në Belgjikë, Per Strand Sjaastad, Drejtorin e ri të Bankës Botërore për Kosovë, Massimiliano Paolucci si dhe shefin e Njësisë për Kosovën në Komisionin Evropian, David Cullen, shkruan Indeksonline.
Ai e ka falënderuar BE-në për ndihmën e dhënë, teksa edhe ka theksuar tri çështje kryesore:
1. Nevojën e përmbylljes sa më të shpejtë të procesit të liberalizimit të vizave;
2. Arritjen e marrëveshjes gjithëpërfshirëse në mes të Kosovës dhe Serbisë, e cila duhet të rezultojë me njohje reciproke dhe
3. Ndihma konkrete në menaxhimin e situatës së krijuar me COVID-19, për Pakon e rimëkëmbjes ekonomike dhe reformat në administratën shtetërore.
