Zyrtari policor Besnik Demiri, është suspenduar nga puna, pas fyerjeve në një postim në Facebook, që ua kishte bërë qytetarëve të Drenicës, shkruan Gazeta Blic.
Lajmin për suspendimin e tij, e ka konfirmuar për Gazeta Blic, zëdhënësi i Policisë së Kosovës, Daut Hoxha.Ai e ka konfirmuar suspendimin e Besnik Demirit, por nuk ka pranuar të jap detaje tjera.
“Po, mund të konfirmoj se është suspenduar zyrtari policor i rajonit të Prishtinës, për të cilën e ki fjalën. Kaq mund të them tani për tani”, ka thënë Daut Hoxha.
Besnik Demiri, në një postim në një grup të mbyllur në Facebook, kishte ofenduar banorët e Drenicës, duke thënë se Kosova mund të bëhet kopsht zologjik për një kohë të shkurtë, nëse e rrethon Drenicën në tela.
Ky postim i tij, ka ngjallur reagime të ashpëra, si nga shoqëria civile, po ashtu edhe nga politikanë vendor.
