Daut Haradinaj, kryetar i Grupit Parlamentar të AAK-së ka thënë se që në start e ka ditur që qeveria Kurti nuk do të ketë jetë të gjatë.
Ai duke përmendur shkarkimin e Veliut, ka thënë se kjo qeveri me qëllim e ka shkarkuar vetën.
“Është lajm i mire se bashkë me Veliun po shkon edhe kjo qeveri”, tha ai, shkruan Reporteri.net.
Haradinaj tha se nuk e di për çfarë lajmi të mirë do të kujtohet qeveria Kurti.
Ai tha se Kurti nuk ka menaxhuar mire as situatën me koronavirus, pasi pas 11 ditësh i ka telefonuar kryetarët e komunave.
Ndërsa ka përmendur edhe miratimin e buxhetit duke thënë se qeveria nuk i mori fare parasysh kërkesat e opozitës.
Ai tha se Kosova nuk do të mbetet pa qeveri, sepse aktualja do të kryejë punën derisa të vijë qeveria tjetër. /Reporteri.net/
