Vesel Makolli, sekretar i Përgjithshëm i AKR-së në një prononcim për Gazeta Blic ka folur rreth mocionit të votëbesimit të kërkuar nga Lidhja Demokratike e Kosovës për Qeverinë Kurti.
Makolli ka theksuar se ende nuk ka diçka zyrtare nga AKR në lidhje me këtë, por ka cekur se kjo që po ndodh ne këtë moment të Pandemisë është e papranueshme.
“Akoma nga AKR nuk kemi një qëndrim zyrtar në lidhje me këtë çështje. Ajo që di të them në këto momente është se kjo që po ndodh është e papranueshme për shkak të situatës me Koronavirusin. Kur i gjithë fokusi duhej të ishte atje po ndodhin gjithë këto lëvizje në politikë”, tha shkurt Makolli.
