Ministria e Shëndetësisë, përmes një komunikatë ka sqaruar takimin e ministrit Arben Vitia në takimin me ambasadorin e Shqipërisë në Kosovë, Qemajl Minxhozin, që trajtimin në institucionet e shëndetësisë në Gjakovë e Prizren do ta bëjnë për pacientët me hemodializë e jo për pacientët me koronavirus.
Gazeta Sinjali sot gjatë ditës ka shkruar për takimin e ministrit Vitia me ambasadorin Minxhozi, ku theksi i komunikatës për këtë takim ishte bashkëpunimi i dy shteteve për parandalimin e virusit Covid- 19, i quajtur edhe koronavirus.
“Në këtë takim, ndër të tjera, është shprehur përkushtimi i Ministrisë së Shëndetësisë që qytetarëve të zonave veriore të Shqipërisë t’u mundësohet ofrimi i shërbimeve shëndetësore në institucionet shëndetësore të Kosovës, në komunat Gjakovë e Prizren, por këto shërbime nuk kanë fare të bëjnë me Koronavirusin, por janë shërbime të hemodializës, të cilat qe disa vjet ofrohen në Spitalin e Përgjithshëm të Gjakovës dhe në Spitalin e Përgjithshëm të Prizrenit për pacientë nga veriu i Shqipërisë” thuhet në komunikatë./ Gazeta Sinjali/
