Kandidati i PDK-së, për kryetar të Podujevës, Naim Fetahu, po vazhdon fushatën e tij ku po bën premtime të ndryshme.
Ai së fundmi ka vizituar një ndërmarrje ku ka premtuar ndërtimin e zones industrial që bizneset të kenë hapësirën e tyre.
“Pushteti lokal kurrë nuk i ka mbështetur bizneset. Ai i ka penguar dhe shantazhuar. Gjatë vizitës në ndërmarrjen “Ananas Impex”, premtova më shumë mbështetje dhe kujdes. Në qeverisjen time do të sigurohem për ta ndërtuar zonën industriale ku bizneset do ta kenë hapësiren e tyre”, ka shkruar ai në Facebook, shkruan Reporteri.net.
Vlen të theksohet se nga fotot e publikuara, Fetahu përveç që shihet duke biseduar me drejtuesit e ndërmarrjes në fjalë, ka shfrytëzuar të hyp edhe në traktor, dhe nga fytyra e tij duket tejet i gëzuar.
Megjithatë Fetahu nuk ka treguar nëse di apo jo të vozitë traktorin.
