Ish-deputeti dhe gazetari, Milaim Zeka, ka thënë se nga lista e të thirrurve në Gjykatën Speciale që ai e ka poseduar që disa vite, vetëm dy emra mungojnë.
Zeka në emisionin Pressing në T7 i ka zbuluar këta emra.
“Haliti e Çeku të vetmit në listë që nuk janë thirrur nga Specialja”, zbulon ai.
Pra Zeka thotë se ish-deputeti i PDK’së, Xhavit Haliti, dhe ish-komandanti i UÇK’së, Agim Çeku, nuk janë ftuar nga Specialja.
Prokuroria Speciale i ka dorëzuar aktakuzat Speciales dhe tani pritet akuza e parë nga kjo gjykatë, e cila ishte votuar në Kuvendin e Kosovës në vitin 2015.
