Pas marrjes së detyrës së zëvendësministrit të Kulturës, Ismet Beqiri një pozitë të rëndësishme e ka marrë edhe në parti.
Me anë të një postimi në Facebook, Beqiri ka bërë të ditur se është zgjedhur nënkryetar i Lidhjes Demokratike të Kosovës.
Ai ka thënë se besimin e dhënë nga partia e tij, do ta përkthej me punë.
Beqiri në të kaluarën kishte shërbyer edhe në pozitën e ministrit të Kulturës.
Shkrimi i plotë i Beqirit në Facebook:
Miq të dashur,
Anëtarë dhe simpatizantë të Lidhjes Demokratike të Kosovës, dua të ju informoj se kohë më parë, pas detyrës sime për 10 vite si Sekretar i Përgjithshëm i LDK-së, i shtëpisë së madhe të Presidentit Ibrahim Rugova, jam zgjedhur Nënkryetar i Lidhjes Demokratike të Kosovës.
Poashtu pas 12 viteve Deputet i Kuvendit të Kosovës (4 mandate) me propozimin e LDK-së, sot zyrtarisht jam emëruar Zëvendësminister i Ministrisë së Kulturës, Rinisë dhe Sportit në Qeverinë e Republikës së Kosovës .
Kultura, rinia dhe sporti janë identiteti i ynë.
Artistët, të rinjtë dhe sportistët janë krenaria jonë, ambasadorët e qytetarëve dhe shtetit të Kosovës.
Nder i veqant dhe përgjegjësi të jem në shërbim të tyre.
Besimin e dhënë për këto dy detyra partiake dhe qeveritare , do ti përkthej si çdo herë me punë, përgjegjësi dhe përkushtim.
I juaji Ismet Beqiri
