Urime Ditën e Pavarësisë së Kosovës
Të nderuar qytetarë, më lejoni që në emrin tim dhe në emër të Partisë FJALA të iu uroj Ditën e Pavarësisë së Kosovës.
Dita e Pavarësisë së Kosovës është dita më e rëndësishme në historinë e popullit tonë.
Për këtë ditë janë sakrifikuar me mijëra dëshmorë nëpër vite të ndryshme.
Bijë dhe bija në krye me Komandantin legjendar Adem Jasharin na treguan se si duhet punuar dhe sakrifikuar për atdhe.
Kjo ditë tregon edhe gjenocidin dhe terrorizmin e regjimit të Serbisë të ushtruar mbi popullin e Kosovës.
Jemi ndër shtetet dhe popujt më të vjetër në rajon, por që padrejtësisht Kongresi i Berlinit me 1878 dhe Konferenca e Londrës me 1913 na kanë lënë nën regjimin e Serbisë.
Jemi popull dhe shtet krenar ngase kurrë nuk kemi ushtruar gjenocid dhe terrorizëm mbi popujt dhe shtetet tjera.
Jemi popull që respektojmë dhe mbrojmë bashkëjetesën ndërfetare dhe ndëretnike.
Jemi popull që e duam paqen dhe lirinë jo vetëm për vete, por edhe për popujt dhe shtetet tjera.
ZOTI e bekoftë Kosovën dhe popullin e saj.
Gëzim Kelmendi
