Kreu i VV-së, Albin Kurti, ka treguar çfarë ka biseduar me të dërguarin e Posaçëm të SHBA-së, ambasadorin Richard Grenell.
Kurti thotë se bashkë me të në takim ka qenë edhe kryetari i Kuvendit, Glauk Konjufca, dhe deputetja Fitore Pacolli, ndërsa thotë se kanë biseduar për hapjen e vendeve të reja të punës.
“Sot në zyrat së bashku me kryetarin e Kuvendit të Kosovës Glauk Konjufca dhe deputeten Fitore Pacolli pritëm ambasadorin Richard Grenell. Ne diskutuam mbi nevojën urgjente për t’u përqëndruar në zhvillimin ekonomik dhe hapjen e mundësive për punësim”, ka shkruar Kurti në Twitter, shkruan Reporteri.net.
I welcomed Ambassador @RichardGrenell @LVetevendosje offices today, together with the speaker of Kosova’s Assembly Glauk Konjufca and MP Fitore Pacolli. We discussed the urgent need to focus on economic development and opening up opportunities for employment. pic.twitter.com/5Z7Qg1vYGR
— Albin Kurti (@albinkurti) January 23, 2020
Kurti nuk thotë fare që në takim kanë biseduar për formimin e qeverisë, edhe pse Grenell pas përfundimit të takimit me kreun e VV-së para gazetarëve tha se “i tregova zotit Kurti se vendet si Mbretëria e Bashkuara dhe Gjermania kanë koalicione të miksuara për formimin e qeverisë. Ne inkurajojmë vetëm të ndiqen rrugët ligjore”.
Kurti ka publikuar foto veç duke përcjellë Grenellin, por jo edhe nga foto brenda takimit.
Kujtojmë se Grenell takoi sot edhe kreun e LDK-së, Isa Mustafa, ku pas takimit tha se nuk ndërhynë në formimin e qeverisë.
