Në aksidentin e djeshëm në Runik të Skenderajt ka vdekur një person dhe janë lënduar 4 të tjerë, shkruan Drenicapress
Nga plagët e marra nga aksidenti, ka vdekur Faik Imeri, nga Pemishta e Skenderajt.
Në një reagim në rrejtin social Facebook, Sami Lushatrku, ish-kryetar i Skenderajt, ka shprehur ngushëllime për vdekjen e 41 vjecarit, si dhe ka treguar një histori të dhimbshme jetësore që ka kaluar i ndjeri.
Lexojeni të plotë postimin e Sami Lushtakut:
I kishte përballuar shumë plagë në të kaluarën. Plagë shpirtërore e fizike. Por plagët e mbrëmshme që i mori në një aksident komunikacioni, nuk arriti dot t’i përballojë. Një pjesë të së kaluarës së Faik Imerit nga Pemishta e Skenderajt e kam të njohur edhe personalisht. Gjatë luftës së fundit në Kosovë, forcat serbe ia kishin vrarë nënën dhe djalin 2 vjeçar. Më vonë ishte plagosur me disa plagë së bashku më të vëllain. Qëndroi i fortë e jetoi me dinjitet deri në frymën e fundit.
Ngushëllimet më të sinqerta familjes Imeri për vdekjen e Faikut. Të aksidentuarëve të tjerë u dëshiroj shërim të shpejtë. SL
