Ministri i Zhvillimit Ekonomik, Valdrin Lluka, i është kundërpërgjigjur shefit të Telekomit, Bedri Istrefit, pasi ky i fundit tha se Lluka po rrezikon shërbimet ndaj institucioneve kombëtare të sigurisë.
Lluka duke iu referuar Istrefit ka thënë se personi i cili shkon në hotele super-luksoze në kohën kur Telekomi vonon pagat për punëtorët, po e akuzon për rëndimin e situatës në Telekom, njofton Klan Kosova.
“Personi që mundohet të mbuloj dështimet e veta të njëpasnjëshme, personi që ka futur mbi 400 veta në punë kur në fakt ishte dashur ta zvogëloi numrin e punëtorëve, personi i cili shkon në hotele superluksoze në kohën kur Telekomi vonon pagat për punëtorët, më akuzon mua për rëndimin e situates në Telekom”.
“Pra, dështimet e tij, dëshiron të mi mvesh mua. Imagjinojeni! Kur bëhet kjo? Në momentin kur qeveria është në largim, pra kur qeveria nuk e ka vendimmarrjen e plotë për shkarkim të menjëhershëm”.
Më poshtë mund ta lexoni shkrimin e plotë të ministrit Lluka.
Ndërsa për t’u informuar rreth akuzave të Istrefit, ndiqni kronikën e përgatitur nga Klan Kosova.
