Aktivisti, Aulon Kalaja, deklaroi në emisionin “360 Gradë” në RTV Ora se problemi më shqetësues i minishengenit ballkanik është se qytetarët serbë fitojnë të drejtën për të blerë prona në bregdetin shqiptar.
Një fakt i tillë sipas tij po fshihet nga qeveria.
Kalaja: Serbia prodhon deri te automjetet, ne nuk prodhojmë asgjë. Ka oligarkë më të mëdhenj se Shqpëria, tregun e hidrokarbureve. Ajo që fshihet nga ky minishengen është e drejta e serbëve për të blerë toka në bregdet, pse nuk e thotë kryeministri? Do të kemi serbë që do të vinë. Kanë kapacitete më të mëdha ekonomike, ne çfarë masash marrim? Kush është zoti Rama që merr peng aspiratat e një vendi? Për shqiptarët dielli lind në perëndim dhe aleatët strategjikë të shqiptarëve janë Uashingtoni dhe Brukseli dhe jo Moska dhe Beogradi.
