Banorët e prekur nga tërmeti në Shqipëri, të cilët ishin strehuar në tendat e Sukthit të ri, tani janë transferuar në një hotel të siguruar nga Ministria e Turizmit dhe Mjedisit.
Këtë e ka bërë të ditur Ministrja e Arsimit në Shqipëri, Besa Shahini, e cila shkruan se inxhinierët nga Kosova bashkë me ata të Shqipërisë janë në terren duke verifikuar infrastrukturën shkollore, njofton Klan Kosova.
”Me ekipin e vullnetarëve të Ministrisë së Arsimit, Sportit dhe Rinisë, sot koordinuam transferimin e qytetarëve nga Sukthi i Ri në hotelin që ka siguruar Ministria e Turizmit dhe Mjedisit. Çadrat i mbylli ushtria dhe i transferoi në një tjetër vend ku ka nevojë.
Ndërkohë, pjesa tjetër e ekipit është në terren me inxhinierët nga Kosova për verifikimin e infrastrukturës shkollore, verifikim i cili do të vijojë edhe ditën e nesërme”.
