Derisa është kompletuar numërimi i votave në komunën e Drenasit, ku PDK-ja siç edhe pritej ka shënuar sukses duke marrë mbi 14 mijë vota, tani dihet edhe se kush janë kandidatët më të votuar të kësaj komune.
Befasia është kandidati i PDK-së, Petrit Hajdari, i cili me rreth 5 mijë vota i ka lënë mbrapa të gjithë kandidatët tjerë për deputet nga të gjitha partitë duke u renditur menjëherë pas liderit Kadri Veseli.
Hajdari që për pesë vjet shërbeu në Ambasadën e Republikës së Kosovës në Lubjanë ka qenë pjesë e projektit të Partisë Demokratike të Kosovës për t’i freskuar listat me kandidatë të rinj. Mbetet të shihet pas përfundimit të numërimit në të gjitha komunat se ç’bilanc përfundimtar do të ketë z.Hajdari, por një gjë është më se e sigurtë: me votimin në Drenas ai nuk ka sesi të mos jetë i kënaqur.
