Qyteti i Ferizajt është i njohur si qytet i krijuar vonë në Kosovë, që kur është ndërtuar stacioni hekurudhorë në vitin 1873. Ky qytet është i vendosur në pjesën jugore të Kosovës me një popullsi mbi 108,690 banorë.
Njihet edhe si “qyteti i trenit” meqë filloi të ndërtohej me hapjen e stacionit të trenit, në fund të shek XIX.
Po, a e dini se e mori emrin Ferizaj?
Emri Ferizaj, rrjedh nga pronari i një hoteli (hani) të njohur, që quhej Feriz Shasivari. Më herët ishte i njohur edhe me emrin Tasjan. Sot është një prej qyteteve më të mëdha në Kosovë. Në foto shihen burra me plisa presin para stacionit të trenit rreth vitit 1900. Burimi: Bibloteka e Universitetit të Stambollit
Ajo qka e veçon këtë qytet janë dy fenomene të jashtëzakonshme, të cilat janë të vetmet në Evropë, dhe si degë e Kosovës gjenden në Ferizaj. Bifurkacioni dhe toleranca fetare, e përshkruan më së mirë gjeorgrafinë dhe historinë e këtij vendi, të kërkuar nga shumë studiues e turistë.
Bifurkacioni në qytetin e Ferizajt, respektivisht Bifurkacioni i lumit Nerodime është një fenomen natyror i ndarjes së lumit në dy degë dhe derdhjes në dy dete. Ndërsa një tjetër fenomen shumë i rëndësishëm dhe i vetëm poashtu në Evropë, janë edhe objektet e dy besimeve fetare në një oborr, në qendër të qytetit.
